ياتري مصر لسه..ولادة ؟؟

[ندعوك للتسجيل في المنتدى أو التعريف بنفسك لمعاينة هذا الرابط]
ياتري مصر لسه..ولادة؟؟

[ندعوك للتسجيل في المنتدى أو التعريف بنفسك لمعاينة هذا الرابط]
عندما نضحك من قلبنا نقول اللهم اجعله خير ايمانا اكيدا منا ان وراء كل خير شر في تراثنا ووجودنا و طوال تاريخنا و بلا استثناء لم نفعل شيئ ونحسن ختامه فعلي سبيل المثال وليس
الحصر
[ندعوك للتسجيل في المنتدى أو التعريف بنفسك لمعاينة هذا الرابط]
في مجال الرياضة:
ــ انتظم الدوري و ارتفع المستوي فكانت مذبحة بورسعيد!!وسبب المجزرة اولا روابط المشجعين فلكل شيءله ايجابياته وسلبياته ليه خلونا نتعود على منظر حاجات بتتكسر وناس بتضرب بسهولة وواحد يتولع فيه زى اللى
حصل مع مشجع الزمالك وكذلك المواقع والمنتديات التى تنتمى للانديه والاعلام طبعا والقنوات الفضائية وهي دي رقم واحد فى المذبحة وبعد الثورة بقيت مهلبية وشغالة خرط في خرط في خرط ، وخلط الحابل بالنابل ونفس سياسة النظام القديم:تزييف الحقائق ، اللف والدوران ، خلط الحق بالباطل.... الخ من هذا القبيل ..حتى عندما أعلنوالحداد على أرواح الشباب .وحاليا كل مايشغلهم هو
عودة الدوري ودوران عجلة السبوبة
ــ حد يصدق اننا فزنا بكاس الامم ثلاثة مرات ففشلنا في الوصول-مجرد الوصول
للرابعة!!ولم يحاسب احدا على عدم الصعود لتلك البطوله ....!
ــ تعاطفنا مع احداث بورسعيد وللاسف بعد ايام انشغلنا بموقف وفرحت زيدان بتسجيل
الاهداف والبزازة وابنه ادم وازي هيتجوز ام.ادم بعد ان خلفت ادم والظاهر هما
هناك بيجيبوا العيل الاول وبعدين يتجوزوا الله يمسيك بالخير ياقرموطي اسفوخس علي ده نظام
ــ وبعد مجزرة بور سعيد زيدان بقت ماشية معاه بيجيب كل مباراة هدف الظاهر بييجى على الدم.ومفروض بعدكده اما ييجى يلعب مع المنتخب نبقى نقتله اتنين تلاته علشان يتالق واهو العسكر والشرطه موجودين ودمناارخص دم

[ندعوك للتسجيل في المنتدى أو التعريف بنفسك لمعاينة هذا الرابط]
في السياسة حدث ولا حرج:
ــ قمةالبجاحة انك تلاقىرجالة المخلوع عايزين يبقوا رؤساءجمهورية بعد الثورة واحد كان بيقول هختار مبارك ايا كان المرشح الذى امامه دلوقت عايز يبقى رئيس بعد ما مبارك اتخلع !!
وواحد المخلوع كان معتبره الابن الدلوعة عايز يبقى رئيس بعد ما مبارك اتخلع!!
ومرشح نفسه للرئاسة والمصيبة الناس رفضته وهورئيس وزرا.فكان الجواب الترشيح للرئاسة هى الناس دى معندهاش لا دم ولا كرامة للدرجة دى !!
وواحد يقولك ابعدوه من قدامى بدل ماأأذيه
ويقولك الله على كاريزما عمرو موسي والتاني يقولك هي دى الـ كاريزما..والثالث يقولك ده معظم ماضيه لا يزكيه ..والرابع يقولك كاريزما الفريق شفيق حلوة ولكن كلها غرور و عنجهية غبية و بيع كلام في الهوا والرابع يقولك كاريزما وشخصية عمرسليمان..والشعب كان رفضه وهو نائب للمخلوع..بمنتهي الصراحة مش عارف الناس
دي بتجيب البجاحة دي منين.. ياعالم احنا
محتاجين كاريزما و قوة شكيمة نحتاج لرئيس متلون في الخارج وشفاف في الداخل نحتاج من اسمعه يبهرني كانسان غيرمتعلم.وعندما يتكلم يشوقني لو أنا عالم أو متخصص عاوزتشكيلة حلوةمحبشة في شخص واحد..لاننا عاملين زي سلك طوله مليون متر وداخل في بعضه وعاوز حديسلكه

[ندعوك للتسجيل في المنتدى أو التعريف بنفسك لمعاينة هذا الرابط]
في التاريخ:
ـ قطز هزم التتار فقتله بيبرس!!
ـ المماليك هزموا التتارفقتلهم محمد علي!!
ـ جاءنازعيم عظيم سعد زغلول فقالوا لاعب قمار!!
ـ حررتنا ثورة 1952 فسجنوا محمد نجيب!!
انتصرنا في اكتوبر فكانت الثغرة!!
ـ ومع فرحة الانتصار أقيل سعد الدين الشاذلي العبقري!!
واتت ثورة 25يناير المجيدة فاصبحنا كلنا خائنون!!

[ندعوك للتسجيل في المنتدى أو التعريف بنفسك لمعاينة هذا الرابط]
واخيرآ:
ياتري مصر لسه..ولادة ؟؟
احنا عايزين صفاء النية وبراءة الذمة
لاننا حاسين اننا هنلبس من تاني العمة!!!!
ياعالم نفسنا نضحك من قلوبنا من غيرمانخاف يارب ده مش كتير علينا!!

[ندعوك للتسجيل في المنتدى أو التعريف بنفسك لمعاينة هذا الرابط]
اصحي وفـوقي يابـلد ومتـناميش منىِ
لو.... كنتى تعبانة أنـا أصلى إكـمنّى ِ
دمـى فصيلته "تعب"وعقلي فيه أتلعب
حــتى أبـوجهل يابلد عايز يـا علمنىِ
ولنا لقاء لمن يعيش
اخيكم كريم هارون

» ياتري مصر لسه..ولادة ؟؟